Kreu i grupit parlamentar socialist, Taulant Balla, thotë se aktualisht organet e qeverisjes vendore janë një transformim epokal, në raport me ato që kishim deri në vitin 2015.
Në një komunikim për mediat ditën e sotme lidhur me reformën territoriale, Balla tha se kishte 384 kryetarë bashkish e komunash me 384 shoferë dhe administrata, duke e cilësuar si diçka të papranueshme.
Sipas tij, shërbimet publike janë shumë herë më të mira sot.
Gjithmonë ka vend për negociata, por kjo nuk mund të jetë diçka që të jetë pjesë e një pazari politik.
Partia Socialiste nuk bën pazar që bie ndesh me mirëqeverisjen, me shërbimet më të mira ndaj komuniteteve.
Jemi të gatshëm për një takim me zotin Alibeajn dhe zonjën Çupi për të dialoguar.
Opinioni im është ky dhe ndërkohë që ditët në vijim le të përmbyllim dhe në fund është detyrë e komisionit të dalë me një qëndrim përfundimtar për këtë çështje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
