Komisioneri Shtetëror i Zgjedhjeve, Ilirian Celibashi, është takuar me Delegacionin e Misionit të Vëzhgimit të OSBE/ODIHR-it për zgjedhjet e 25 prillit 2021.
Celibashi, ka theksuar se, rekomandimet do të shërbejnë si pika referimi për përmirësimin e mëtejshëm të veprimtarisë së Komisionit Qendror të Zgjedhjeve (KQZ).
Delegacioni, i kryesuar nga ambasadorja Urszula Gacek, ka vlerësuar gjetjet mbi veprimtarinë e KQZ-së.
Sipas tyre, këto hapa mund të ndihmojnë KQZ-në dhe aktorët e tjerë, që të ndërmarrin hapa të tjerë për përmirësimin e proceseve të ardhshme zgjedhore.
Në fokus të bisedimeve ishin gjetjet dhe rekomandimet e raportit përfundimtar të OSBE-ODIHR për zgjedhjet e 25 prillit, si dhe identifikimi i fushave për bashkëpunim të mëtejshëm.
Organizata për Sigurinë dhe Bashkëpunimin në Evropë (OSBE), ka publikuar raportin përfundimtar për zgjedhjet e 25 prillit 2021 në Shqipëri, duke i cilësuar ato si të mirëorganizuara nga administrata zgjedhore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
