Kryeministri Edi Rama ka pasur sot një mbledhje të gjatë me drejtuesit e qarqeve të veriut për sa i përket Partisë Socialiste, ndërsa debatet nuk kanë munguar kryesisht për organizimet në qarkun e Shkodrës.
Mësoht se gjatë takimit, Rama ka hasur në kundërshtinë e deputetit, Paulin Sterkaj i cili është shprehur se vendet e punësimit në Shkodër janë kthyer si tendera.
Ndërsa kryesocialisti Rama e ka mohuar një gjë të tillë, por ka thënë që këtë çështje do ta rregullojë vetë dhe për këtë pritet që të hënën të mbledhë qarkun e Shkodrës.
Për sa i përket veriut do të ketë një organizim të ri për bashkitë.
Sipas numrit të popullsisë do të ndahen në makrobashki, bashki të mesme, bashki të vogla dhe mikrobashki.
Nga kjo ndarje, vetëm Shkodra është bashki e madhe, ndërsa Fushë-Arrëzi dhe Puka do të jenë mikrobashki.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
