Presidenti Ilir Meta priti në një takim kryetarin e Kuvendit të Maqedonisë Talat Xhaferi.
Gjatë takimit të tyre në presidencë, kreu i shtetit theksoi se mezi pret anëtarësimin e Maqedonisë në NATO dhe e siguroi kryeparlamentarin Xhaferi për mbështetjen e fortë të Shqipërisë në këtë drejtim.
Duke vlerësuar tendencën pozitive për zgjidhjen e çështjes së emrit, Presidenti Meta nënvizoi se, stabiliteti dhe zhvillimi i Maqedonisë është në interesin e drejtpërdrejtë të Shqipërisë, por edhe për të gjithë rajonin.
Meta shprehu besimin për miratimin së shpejti të ligjit për gjuhën shqipe nga Parlamenti i Maqedonisë, duke theksuar se ky akt do të ndihmonte në përmirësimin e mëtejshëm të marrëdhënieve ndër-etnike në Maqedoni.
Të dy bashkëbiseduesit vlerësuan takimin e parë midis qeverive të të dy vendeve, si dhe ndanë të njëjtin mendim se zhvillimet e sotme rajonale dhe globale kërkojnë një bashkëpunim dhe ndërlidhje edhe më të mirë, infrastrukturore, energjetike dhe njerëzore midis dy vendeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
