Anëtari i Këshillit Bashkiak Elbasan Erion Murataj, dështimin e diskutimit për inceneratorin e Elbasanit në mbledhjen e Këshillit Bashkiak, e sheh si të pritshëm.
Duke folur për edicionin e lajmeve në MCN TV, ai vesh me përgjegjësi bashkinë e Elbasanit dhe kryebashkiakun, ndërsa shton më tej se Gledjan Llatja nuk thotë se ku janë depozituar mbetjet gjatë këtyre dhjetë ditëve që ka rënë zjarri.
Sipas tij, landfilli i Elbasanit për shkak të zjarrit të madh që ra ka një ulje të volumit dhe kjo do i zgjasë vazhdimësinë e vjedhjes me apo pa fatura.
E kishin marrë me shumë lehtësi, për shkak të hetimeve të prokurorisë. Historia e inceneratorit të Elbasanit që është jashtë hetimeve prej 18 muajsh, kulmon në faktin që Prokuroria kërkon një akt faturimi të volumeve që janë bërë në 2024.
Është e qartë që nuk ka volume se ka fatura fiktive në Eco-Elb. Është një lajm i rremë që i faturohet gjithçka administratorit. Por Eco Elb është shoqëri aksionere, ku aksioneri kryesor është kryebashkiaku i Elbasanit Gledjan Llatja.
Ishte e pritshme që nuk do të vinin në mbledhje. Sot Elbasani ka një lajm të keq, nuk ka transparencë, ministri i Brendshëm i painformuar me sa duket tha se ka kapacitet të mbingarkuar incnereatori, ndërkohë që inceneratori ka dy vjet që nuk punon.
Landfilli i Elbasanit për shkak të zjarrit të madh që ra atje ka një ulje të volumit, kjo do i zgjasë vazhdimësinë e vjedhjes me apo pa fatura, ndërkohë që do vazhdojë depozitimin.
Kryebashkiaku i Elbasanit nuk thotë se ku i ka depozituar mbetjet sot e dhjetë ditë. Ky është një tjetër dëm kolosal ndaj mjedisit në Elbasan.
Nëse administratori i Eco Alb i ka bërë gjithë këto veprime në bashkëpunim me kryebashkiakun e Elbasanit kemi të bëjmë me një grup të strukturuar kriminal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
