“Gëzuar Sulltan Novruzin”, Presidenti Begaj uron besimtarët bektashi

Presidenti Bajram Begaj ka uruar besimtarët bektashi me rastin e festës së Sulltan Novruzit, një ditë me rëndësi të veçantë shpirtërore që simbolizon ardhjen e pranverës dhe ringjalljen e jetës. 

Përmes një postimi në rrjetet sociale, kreu i shtetit theksoi vlerat që përcjell kjo festë, duke e cilësuar atë si një moment reflektimi mbi shpresën, dashurinë dhe unitetin mes njerëzve.

Në mesazhin e tij, Presidenti Begaj nënvizoi gjithashtu rëndësinë e harmonisë dhe mirëkuptimit në shoqëri, duke bërë thirrje për forcimin e bashkëjetesës dhe tolerancës që karakterizon popullin shqiptar.

Gëzuar Sulltan Novruzin! Kjo ditë e shenjtë, simbol i pranverës dhe ringjalljes, na kujton forcën e shpresës, dashurisë dhe unitetit. Le të na shërbejë si thirrje për më shumë harmoni e mirëkuptim mes nesh, duke forcuar bashkëjetesën dhe tolerancën që na karakterizon si shoqëri!