Komisioni Qendror i Zgjedhjeve ka hedhur sot shortin për numëruesin e katërt mes Partisë së Lirisë dhe PDIU.
Sipas shortit, është përcaktuar që partia e Ilir Metës do të ketë numërues vetëm në tavolinat me numër tek në çdo KZAZ.
Në këtë formë, Partisë për Drejtësi, Integrim dhe Unitet i ranë tavolinat me numër çift.
Partia e Lirisë do të ketë numërues në vetëm gjysmat e tavolinave të numërimin në vend. Kjo pasi, Partia e Lirisë dhe PDIU konsiderohen parti opozitare me numër të barabartë deputetësh.
Pra, në tavolinat e numërimit me numër tek në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i Partisë së Lirisë.
Ndërsa në tavolinat e numërimit me numër çift në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i PDIU-së.
Vendimi që anëtari i katërt i grupeve të numërimit të ndahej mes PL dhe PDIU-së u mor ditën e djeshme gjatë mbledhjes së KQZ, e cila u shoqërua me debate mes përfaqësuesve të këtyre partive politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
