I ftuar në emisionin "Të Paekspozuarit", Arben Ristani ka shpjeguar procesin e regjistrimit të statutit të Kuvendit të Sali Berishës, i cili ka ngecur dhe në kundërshtim me ligjin ende nuk ka një përfundim.
Ristani tha se gjykata duhet ta regjistronte statutin dhe se firmat janë të rregullta, ndërsa dorëheqja e Bashës, duket se i hap rrugën edhe gjykatës për ta regjistruar këtë statut.
Në gjykatën e Tiranës është vendosur regjistri themeltar i partive politike. Çdo akt regjistrohet aty. Gjyqtari shikon a është akti konform Kushtetutës. Aty ka patur dy kërkesa sepse Kuvendi i korrikut është para dhjetorit dhe është regjistruar. Do të shqyrtohet Kuvendi i dhjetorit. Gjykata do të kërkojë firmat e anëtarëve të Kuvendit.
Janë tre dokumenta bazë. 4200 firma që kërkuan mbledhjen e Kuvendit. E dyta, çdo delegat ka kartën e delegatit dhe kartën e ID. E treta, është bërë votim dhe në votim çdokush ka votuar, ka lënë numrin e kartës së identitetit plus firmën. Këto lloj kërkesash duhet të shqyrtohen brenda 30 ditëve. Gjykata në mënyrë të kundërligjshme nuk e ka shqyrtuar, për shkak të ndërhyrjes së qeverisë. Meqenëse u hap kjo rrugë, gjykata e shqyrton dhe kjo histori mbyllet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
