Kryetari i komisionit të reformës territoriale, Arbjan Mazniku, në mbledhjen e sotme, deklaroi se do t’i drejtohen Kuvendit për të ndryshuar përbërjen e komisionit në mënyrë që të hapet rruga për vijimin e punës.
Ndërkohë që opozita bojkotoi mbledhjen e sotme të komisionit, Mazniku tha se e sotmja është mbledhja e katërt ku opozita nuk vjen dhe kjo bën që të humbet kohë.
Reforma territoriale duhet mbyllur deri në muajin korrik. Nisur nga nxitimi dhe nevoja për të realizuar objektivat, kemi kërkuar krijimin e një mekanizmit zhbllokues duke shtuar një anëtar të Partisë Socialiste në komision.
Kjo nuk do të thotë që opozita nuk do ketë fjalën e saj, 8 vendet e saj i ka të garantuara. Nesër do t’i drejtohemi seancës për të ndryshuar përbërjen e komisionin për të fituar kohën e humbur.
Demokratët pretendojnë se Partia Socialiste e ka gati draftin dhe do të zvogëlojnë numrin e bashkive dhe se gjithçka e ka fasadë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
