Kryeministri Edi Rama reagoi sërish në lidhje me arrestimin e Klement Balilit.
Kreu i qeverisë i është kundërpërgjigjur me një “cicërimë” në rrjetin social "Twitter" opozitës në lidhje me dorëzimin e më pas arrestimin e Klement Balilit, i njohur si “Escobari i Ballkanit”.
Të shumtë kanë qenë eksponentët e opozitës që kanë folur në lidhje me dorëzimin e Balilit, por sipas Ramës taktika e akuzat ndryshojnë sa herë që diçka ndodh.
Kreu i mazhorancës thotë se ky është avazi opozitar prej më shumë se 5 vitesh por se kjo e sotmja u djeg posaçërisht.
"Kur kapen janë ata që na kapin ne!Kur dorëzohen jemi ne që u dorëzohemi atyre!Kur nuk kapen jemi ne që s'i kapim dhe kur nuk dorëzohen janë ata që na e hedhin!Ky është avazi opozitar prej 5 vitesh e gjysëm po kjo e sotmja u djeg posaçërisht, e s'kanë faj fare,as njëri as tjetri", shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
