Topi sulmon marrëveshjen: Basha bëri ç’mos që të dilte nga çadra. Rrënimi i shtetit nisi më 21 prill 2008

Partia Fryma e Re Demokratike ka prezantuar kandidatët për deputetë për zgjedhjet e 25 qershorit. Gjatë fjalës së tij, kreu i FRD, Bamir Topi u shpreh se FRD do i përgjigjet të gjitha sfidave dhe do prezantohet denjësisht në zgjedhje. Duke komentuar aktualitetin politik, Topi tha se rrënimi i shtetit nisi më 21 prill 2008, pak ditë pas Gërdecit.

“Rrënimi i shtetit filloi me 21 prill te vitit 2008, pak dite pas ngjarjes se Gërdecit. Unë kam qenë në atë kohë në presidencë. Ne ishim patriotë dhe vizionarë që nuk vendosëm interesin polik. Ato aktorë që ishin atëherë janë prapë sot. Ata që ndërtuan 21 prillin e vitit 2008, ndërtuan marrëveshjen e dytë që nuk demonstroi gjë tjetër, por krizën e institucioneve. FRD ka kërkuar që të reformohet kodi zgjedhor, të bindur se drejtësia fillon ditën e zgjedhjeve, Ka një lloj dyfytyrësie nga politika aktuale. Ata kërkojnë drejtësi dhe të marrin fitore të pamerituar poshtë tavolinës”, tha Topi.

Topi ka sulmuar marrëveshjen mes PS­-së dhe PD-­së e arritur dy javë më parë. Topi tha se Basha dhe Rama treguan dyfytyrësi si politikanë.

Sipas Topit, Basha bëri pirueta nga më të ndryshmet që të dilte nga çadra.

“Ata duan të marrin fitore poshtë tavolinës, duke krijuar kushte jo të favorshme dhe jo të barabarta për të gjithë. Ata na vendosën nën presion. Basha që sulmonte FRD­në nga çadra bëri ç’mos që të dilte nga çadra”, tha Topi.