Prishtina do të mirëpresë të hënën mbledhjen e tetë të përbashkët mes qeverisë shqiptare dhe asaj te Kosovës, ku pritet të finalizohen dakortësitë e arritura më herët por dhe të nënshkruhen disa marrëveshje të tjera në fushën e drejtësisë, arsimit, bujqësisë, infrastrukturës, turizmit dhe sigurisë publike.
Teksa palët do të ritakohen pas 8 muajsh, jo pak skepticizëm ka patur nga të dyja anët e kufirit për atë çfarë kanë prodhuar marrëveshjet e firmosura më herët.
Teksa krisjen e marrëdhënieve mes dy qeverive, ish-ministri i jashtëm Tritan Shehu e sheh të lidhur ngushtë me nismën e Ballkanit të Hapur, për analistin Nexhmedin Spahiu ky nuk është mospajtimi i vetëm mes Ramës dhe Kurtit.
Në 11 janar të vitit 2014, në Prizren u mbajt mbledhja e parë e përbashkët mes Shqipërisë dhe Kosovës. Asokohe në krye të qeverisë kosovare ishte Hashim Thaçi, dhe përgjatë këtyre viteve mes dy vendeve janë firmosur më shumë 100 marrëveshje dhe memorandume bashkëpunimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
