Këshilli Kombëtar i shqiptarëve në Luginën e Preshevës ka në plan të padisë ministrin serb të Mbrojtjes Aleksandar Vulinin për shkak të përdorimit gjatë ditës së djeshme të termit "Šiptari" për shqiptarët, ka deklaruar kryetari i këtij Këshilli, Ragmi Mustafa.
"Kështu po nënçmohen shqiptarët dhe ata po vihen në rendin e dytë të qytetarëve. Kjo është gjuha fyese e viteve të nëntëdhjeta të shekullit të shkuar. Shqiptarët nuk duhet të etiketohen kështu. Kjo gjuhë e Vulinit tregon se ne nuk jemi pjesë e kësaj shoqërie",ka thënë për REL, kryetari Mustafa, transmeton Koha.net .
Ministri serb i Mbrojtjes Aleksandar Vulinin, ka kohë që e përdor termin ofendues "Šiptari" për shqiptarët, raporton Koha.net.
Vulini dje kishte përsëritur se “ndarja me Šiptarët" është zgjidhja më e mirë për Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
