“Ideologjia i ka paraprirë ekonomisë”, Çipi: Në 2050-ën s’do ketë më Europë sepse s’do ketë më ekonomi

Duke folur mbi ndryshimet klimaterike në emisionin “Arnautistan” regjisori Kastriot Çipi tha se në vitin 2020 ndonëse bota ndali ekonominë për tre muaj nuk u ul aspak përqindja e dioksidit të karbonit.

Sipas Çipit ideologjia i ka paraprirë ekonomisë dhe në 2050-ën s’do ketë më Europë sepse s’do ketë më ekonomi.

Tre muaj në vitin 2020 e gjithë bota ndaloi ekonominë, bëri ndalim industrisë dhe qarkullimit të makinave. Sa u ul përqindja e dioksidit të karbonit. Ti do më tregosh që të paktën u ul 1 të një miliardën. Nuk është ulur fare, është rritur në vitin 2020. Ndalimi i qarkullimit të makinave nuk e përmirësoi klimën. Atëherë ku e di ti që duke ndërprerë industritë për 30 vjet do ta ulësh?! Po na kërkojnë të deindustrializohemi, të kthehemi në epokën e gurit. Është vdekja e ekonomisë. Po shkatërrohen jetët tona. Edi Rama ka firmosur në 2020 deklaratën e Sofjes është zotuar të zhdukë dioksidin e karbonit nga prodhimi. Ja çfarë po na bën ne Europa. Gjermanët vazhdon të nxjerrë qymyrguri.

Çfarë do të thotë energji e rinovueshme? Do të thotë një energji që ka vend për t’u riprodhuar më vonë, këtu futet edhe lënda drusore. Edhe druri është i rinovueshëm sepse mbin prapë pema. BE ka miratuar një projekt ku 20 për qind e tokës bujqësore s’do lejohet më për bujqësi dhe blegtori, por të kthehet në peizazhe të virgjëra.

Kur ideologjia i paraprin ekonomisë, e kemi provuar 45 vjet. Ata në Perëndim nuk e dinë dhe e hanë sapunin për djath! Me këtë që po ndodh sot në 2050 s’do ketë më Europë sepse s’do ketë më ekonomi”.