Sekretarja për Marrëdhëniet me Publikun, në PD, Grida Duma akuzoi sot kryetarin e Bashkisë së Tiranës, Erion Veliaj se ka bllokuar një investigim mediatik për të fshehur korrupsionin dhe krimin në Sharrë dhe i bëri thirrje prokurorisë të nis hetimin.
Në një deklaratë për mediat, Duma pohoi se “Mbrëmë Opinion bëri të mundur transmetimin e emisionit “Publicus”, një investigim mediatik që Erjon Veliaj e kishte bllokuar. Investigimi mediatik nxori qartë aferën e madhe korruptive të Sharrës, si dhe zbuloi firmën e Erjon Veliajt në kontratën me kompaninë 3R, e kryetarit socialist të Peqinit”.
“Mbrëmë shqiptarët panë se në kantierin e Sharrës nuk zbatohej asnjë ligj, nuk respektohej asnjë kriter sigurie, nuk paguheshin siguracionet. Publikimi i emisionit të censuruar nga Erjon Veliaj është një lajm i mirë që tregon se ka ende garanci në vend për lirinë e shprehjes, megjithë shtypjen që pushteti u bën mediave herë me kërcënime e herë me joshje. Kjo është një thirrje e fortë për Prokurorinë të nisë hetimin e të cojë përpara drejtësi fajtorët dhe shkaktarët e vdekjes së Ardit Gjoklaj”, tha Duma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
