Sekretariati i Etikës shqyrtoi kërkesën e Grupit Parlamentar të PS në lidhje me kaosin e krijuar në Kuvend nga deputetët e opozitës.
Sekretariati i Etikës vendosi përjashtimin e deputetëve Flamur Noka, Bledjon Nallbati dhe Saimir Korreshi.
Më konkretisht, Flamur Noka përjashtohet nga seancat plenare me 30 ditë, Bledjon Nallbati përjashtohet nga seancat plenare me 20 ditë dhe Saimir Korreshi përjashtohet nga seancat plenare me 5 ditë.
Kujtojmë se në seancën e së hënës, deputetët e opozitës protestuan sërish, ndërsa Noka tentoi që t’i bllokonte deputetit socialist, Vullnet Sina fjalën, duke i vendosur zhurmuese te mikrofoni. Edhe dy deputetët e tjerë janë akuzuar për bllokim të punës në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
