Presidenti i Republikës, Ilir Meta, të hënën, në orën 17:00, ka thirrur qytetarët shqiptarë në një tubim paqësor para Kryeministrisë për të mbrojtur shtetin e së drejtës dhe Kushtetutën.
Meta ka zgjedhur datën 2 mars, për të mbajtur tubimin e tij, kjo edhe në përkujtim të datës së Besëlidhjes së Lezhës.
Përmes një shënimi në Facebook, Meta shkruan se sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, të na ndihmojë ne të gjithëve për të reflektuar, për t’u ngritur dhe bashkuar sa nuk është vonë.
Ai thekson se vendi rrezikohet nga pushtimi i një “sekti mafioz, pa fe, pa familje, pa atdhe dhe që ka marrë peng të ardhmen e çdo shqiptari”.
Tubimi do të mbahet në Bulevardin “Dëshmorët e Kombit”, ndërsa pritet të ketë pjesëmarrje jo vetëm nga Shqipëria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
