Ndryshimet në kodin penal, Komisioni i Reformës Zgjedhore: 1-5 vite burg për blerësin e votës

Komisioni i Reformës Zgjedhore ka miratuar ndryshimet në kodin penal që kanë të bëjnë me shitblerjen e votës.

Komisioni ka vendosur që dënimi për blerësin e votës të jetë 1-5 vite burg, ndërsa për ata që shesin votën të jetë nga 1-4 vite burg.

Negociatat u arritën më herët gjatë takimit mes përfaqësuesve të Partisë Demokratike dhe Partisë Socialiste në kryesinë e Kuvendit.

Gjithashtu komisioni ka përcaktuar se materialet propagandistike duhet të jenë mbi 5 metra larg zyrave elektorale, ndërsa edhe në këto zgjedhje do jetë financimi privat–shtet.

Kujtojmë se gjatë mbledhjes së grupit parlamentar të PD u propozua dënimi në mënyrë taksative nga 1 deri në 7 vite burg për shitblerjen e votës.