Kryetari i degës së Partisë Demokratike në Gjirokastër, Dasho Aliko i ka bërë thirrje Lulzim Bashës të bashkohet në Kuvendin e datës 11 dhjetor.
Në një lidhje telefonike për emisionin “Të Paekspozuarit” në MCN TV Aliko tha se shumica e delegatëve në Gjirokastër kanë firmosur formularët për të marrë pjesë në Kuvendin e datës 11 dhjetor bashkë me Sali Berishën, ndaj dhe kërkoi që demokratët të jenë të bashkuar në Kuvendin e datës 11.
“Ne si degë u kemi bërë thirrje drejtuesve të marrin pjesë në të njëjtin kongres, atë të datës 11 dhe të lejohet mendimi ndryshe. Qëllimi i demokratëve nuk është emri i liderit, por kush e çon PD-në në fitore. Dega e Gjirokastrës ka 151 delegatë, kanë firmosur 101 delegatë. 14 janë në emigracion dhe pjesa tjetër janë të lëkundur. Unë i bëj thirrje zotit Basha t’i bashkohet Kuvendit të datës 11 me platformën e tij. Kuvendi do të lejojë mendimin ndryshe dhe fraksionet në PD”, tha Aliko.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
