Kreu i grupit parlamentar të Partisë Socialiste, Taluant Balla, në një deklaratë për mediat, tregoi se kanë diskutuar në Konferencën e Kryetarëve mundësinë për shtyrjen e afateve të organeve të Vettingut, hap i cili sipas tij duhet bërë sa më shpejt.
Dëshira ime është që puna të vijojë normalisht e ne të përmbushim detyrimet që Kuvendi ka. Përmbyllja e procesit të Vettingut, është diçka që nuk ka të bëjë me agjendën politike, por ka të bëjë me agjendën e rëndësishme të rrugës Evropiane të Shqipërisë. Unë besoj që pritshmëria e partnerëve, është që ne në frymën e një përgjegjësie të madhe që kemi ndaj fateve të vendit ta përmbyllim në datat e para të sesioneve për të shtyrë Vettingun.
Sa i përket agjendës politike, sipas Ballës, Shqipëria aspiron që të futet në BE dhe brenda këtij viti të mbajë Konferencën e Parë Ndërqeveritare.
Përgjatë këtij vitit do të kemi mundësi të mbahet Konferenca e Parë Ndërqeveritare. Unë mendoj që ka ardhur koha që Shqipëria ta mbajë domosdoshmërisht Konferencën e Parë Ndërqeveritare sepse s’ka asnjë pengesë. Ne kemi disktuar edhe për aspekte të tjera në Kryesi. Janë shumë projektligje që do të diskutohen. Janë depozituar shumë projektligje të tjera. Janë rreth 22 mijë zgjedhës, që kanë marrë iniciativën për ti propozuar Kuvendit dhe për një ligj për dhunën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
