Pas protestës së djeshme të PD në Shkodër, 10 persona po procedohen në gjendje të lirë. Policia e Shkodrës ka vënë në hetim në gjendje të lirë këta persona për bllokimin e rrugës dje në urën e Bahçallëkut në hyrje të Shkodrës.
Mes të hetuarve në gjendje të lirë janë edhe kreu PD-së në Shkodër, Xhevdet Amuli dhe kryetari i Forumit Rinor të PD-së në Shkodër, Arvit Bushati.
Policia njofton se të proceduarit në gjendje të lirë në bashkëpunim me njëri-tjetrin, kanë mbledhur rreth 70 persona në një tubim të paligjshëm duke bllokuar të dy krahët e lëvizjes në urën e Bahçallekut, duke prishur rendin e qetësinë publike dhe duke kundërshtuar forcat e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
