Për ministrin për Evropën dhe Punët e Jashtme, Ditmir Bushati, vendet anëtare skicojnë rrugën e pakthyeshme drejt anëtarësimit, ndërsa opozita në Tiranë nxin dhe nuk e ka lexuar të plotë vendimin e KE.
Reagimi i ministrit Bushati ka ardhur pas deklaratës së kreut të PD-së, Basha, se nuk ka as vendim dhe as datë për hapjen e negociatave të Shqipërisë me BE.
Shefi i diplomacisë thekson se kurrsesi nuk do të besojë se partia, e cila kërkon të qeverisë vendin është mërzitur nga vendimi i mirë për shqiptarët e jo për qeverinë. Por, vijon Bushati, preferoj të mendoj se akoma s’ka gjetur kohën e mjaftueshme të lexojë si duhet atë vendim.
“Vendet anëtare skicojnë rrugën e pakthyeshme drejt anëtarësimit, kuadrin kohor dhe hapat e instrumentet e ndërveprimit të Shqipërisë me Komisionin Europian. Opozita në Tiranë nxin. Unë kurrsesi nuk dua të besoj se partia, e cila kërkon të qeverisë vendin, është mërzitur nga vendimi i mirë për shqiptarët e jo për qeverinë. Por, preferoj të mendoj se akoma s’ka gjetur kohën e mjaftueshme ta lexojë si duhet atë vendim”, shkruan Bushati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
