Ministri i Jashtëm i Shqipërisë Ditmir Bushati ka zhvilluar një takim ditën e sotme me princin e Arabisë Saudite AlWaleed bin Talal bin Abdulaziz Al-Saud.
Një ndër njerëzit më të pasur në botë, me një pasuri rreth 17.3 miliardë dollarë pasuri, pronar i “Kingdom Holding Company”, President i “AlWleed Fondation”, ndodhet në vendin tonë, ku pritet të takojë kryeministrin Edi Rama dhe kreun e Shtetit Ilir Meta.
“Marrëdhëniet tona me Arabinë Saudite kanë filluar të diversifikohen përtej ndihmës ekonomike dhe humanitare. Takimi i sotëm me Princin AlWaleed, Presidentin e Kingdom Holding Company, ishte një mundësi për të biseduar më konkretisht mbi investimet e mundshme në shërbimet turistike, industrinë dhe modernizimin e infrastrukturës,” shkruan Bushati në një status në profilin e tij në ‘Facebook’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
