Ministrja e Mbrojtjes, Olta Xhaçka dhe ambasadori i Shteteve të Bashkuara, Donald Lu vizituan sallën operative në Qendrën e Bashkuar Operacionale (QBO) të Forcave të Armatosura ku u njohën me situatën aktuale pas përkeqësimit të motit në vend.
Ambasadori amerikan vlerësoi punën dhe angazhimin e deritanishëm të Forcave të Armatosura dhe shprehu solidaritet dhe mbështetje për Ministrinë e Mbrojtjes dhe Forcat e Armatosura për kapërcimin me sukses të situatës së ditëve të fundit.
Salla operative në QBO funksionon me shërbim 24/24 dhe koordinon të gjitha angazhimet e FA në terren në situata emergjencash. Gjata natës puna për menaxhimin e situatës në këtë sallë u inspektua nga ministrja e Mbrojtjes, Olta Xhaçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
