Pas largimit të kandidatit për bashkinë e Lezhës ditën e djeshme dhe ikjes së një sërë emrash të tjerë nga lista kandidimit për këshillat, Bindjes Demokratike i ka ikur sot edhe një tjetër kandidat për bashkitë.
Bëhet fjalë për Bledar Sinellën, i cili ka dorëzuar në Komisionin Qendror të Zgjedhjeve kërkesën për t’u çregjistruar nga gara .
Sinella është tërhequr vetë me argumentin se ai nuk ka hedhur firmë për t’u regjistruar në zgjedhjet e 30 qershorit. Sinella i ka dërguar letër KQZ-së ku ka kërkuar ç’regjistrimin nga zgjedhjet
Ai thekson mes tjerash në kërkesën drejtuar KQZ-së, se zgjedhjet pa opozitën kanë pasoja të rënda për Shqipërinë dhe për Kavajën.
Kandidati i BD-së, tashmë i larguar, ka pohuar se zgjedhjet pa pjesën tjetër të garuesve tregon qartë se këtu ka një tentativë moniste, që nuk i shërben rendit dhe demokracisë në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
