Mëngjesin e sotëm në të gjitha pikat e kufitare në Serbi që shpien drejt Kosovës janë vendosur njoftime se përdorimi i letërnjoftimeve të lëshuara nga Kosova është mundësuar vetëm për arsye praktike, për hir të lirisë së lëvizjes së qytetarëve dhe se kjo nuk mund të interpretohet si njohje e pavarësisë së Kosovës, raporton RTS.
Mundësimi i përdorimit të kartave të identitetit të lëshuara nga a Kosova bëhet ekskluzivisht për arsye praktike, për të bërë pozitën e individëve më të lehtë dhe për të mundësuar lirinë e lëvizjes, në përputhje me Marrëveshjen për Lirinë e Lëvizjes të arritur në dialog në vitin 2011”, thuhet në shënim.
Po ashtu, theksohet se “nuk mund të interpretohet si njohje e pavarësisë së njëanshme të shpallur nga Kosova; është pa paragjykim për determinimin e statusit final të Kosovës, e as nuk mund të interpretohet se Beogradi po dorëzon të drejtat e saj që i ka sipas Rezolutës 1244 të Këshillit të Sigurimit të OKB-së 1999”.
Ndërsa kryeministrit të Kosovës, Albin Kurti, ka thënë të martën se më 1 shtator kosovarët të cilët do të udhëtojnë për në Serbi nuk do të kenë nevojë të pajisen me dokumente shtesë përcjellëse, kjo fal marrëveshjes e cila, sipas Kurtit u arrit më 27 gusht.
“Nuk ka dokumente përcjellëse, pra vetëm tregohet karta e identitetit. Pra qytetari i Kosovës kur kalon nëpër Serbi ose kur shkon në Serbi do ta bëjë këtë lirisht, pa marrë asnjë dokument tjetër dhe njësoj kur vjen ai i Serbisë, qysh ka qenë edhe në të kaluarën realisht nuk do të ketë nevojë që as polici jonë t’i jap dokument shtesë”, ka njoftuar Kurti gazetarët për detajet e marrëveshjes së arritur në Bruksel.
Megjithatë ai nuk ka anashkaluar tërësisht si opsion, mundësinë që më 1 shtator të lëshohen dokumentet hyrëse-dalëse në rast se Serbia nuk e respekton marrëveshjen e 27 gushtit.
Vendosja e tabelave vjen 24 orë para se të hyjë në fuqi marrëveshja për dokumente 27 gushtit mes Kosovës dhe Serbisë.
Por nuk është arritur marrëveshje për targat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
