Rama zbulon “sekretin” brenda partisë, se pse fiton PS

Në Kongresin e sotëm të Partisë Socialiste, Kryeministri Edi Rama, ndau edhe “sekretin” brenda partisë se pse PS njeh fitore.

Ai i atribuoi meritën e fitoreve të Partisë Socialiste, vajzave dhe grave që janë pjesë e partisë.

Rama shprehu besim tek vajzat dhe gratë, duke thënë se nëse me burrat është vështirë të çohen gjërat deri në fund, nuk ndodh kështu me gratë.

Kjo e këtyre viteve të udhëheqjes sime është një dallgë patriakale, mos mendoni se do zgjasë pa fund shfrytëzojeni sa më keni mua dhe merrni pjesën e pushtetit që iu takon në PS, në të gjitha nivelet dhe sidomos në bazë ku unë e kam thënë se kjo parti vërtetë fiton por ndryshe nga ç’duket themeli i fitores së kësaj partie janë gratë, nuk janë burrat. Sikur për një moment t’i heqësh gratë dhe vajzat nga fushata organizimi dhe funksionet dhe ta lini vetëm me burrat, është njësoj si të ikni nga shtëpitë dhe t’i lini burrat vetëm dy javë, kështu do ishte partia pa ju.