Projektrezoluta e propozuar synon që Shqipëria të shpallë Iranin “shtet financues të terrorizmit” dhe të klasifikojë Hezbollahun dhe Gardën e Iranit si organizata terroriste.
Në fjalën e tij në Kuvend, Taulant Balla theksoi Shqipëria ka zgjedhur anën e rendit ndërkombëtar si një vend anëtar i NATO-s.
Terrorizmi nuk është një akt dhune, është një strategji e qëllimshme; ai godet civilët, institucionet dhe parimet mbi të cilat është ndërtuar sistemi ndërkombëtar pas Luftës së Dytë Botërore.
Prandaj, lufta ndaj terrorizmit është një betejë për mbrojtjen e demokracisë dhe ruajtjen e paqes. Shqipëria ka qenë dhe mbetet një vend i qartë dhe i palëkundur në këtë qëndrim. Shqipëria ka zgjedhur të jetë në anën e rendit ndërkombëtar si një vend anëtar i NATO-s”
Balla theksoi gjithashtu rëndësinë e parandalimit të aktiviteteve destabilizuese, përfshirë sulmet kibernetike, dhe u bëri thirrje deputetëve të votojnë për këtë rezolutë, duke e konsideruar atë si një angazhim të Shqipërisë për demokracinë dhe sigurinë ndërkombëtare.
Ai shtoi se masa e propozuar është në linjë me qëndrimet e vendeve të tjera si SHBA, Gjermania dhe Britania, dhe është pjesë e angazhimit të Shqipërisë si anëtare e NATO-s dhe vend kandidat për Bashkimin Evropian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
