Sekretari i Përgjithshëm i Partisë Demokratike, Arben Ristani, reagoi të hënën ndaj vendimit të Byrosë së Kuvendit për përjashtimin me 5 ditë nga jeta parlamentare të kryetarit të grupit të PD-së, Edi Paloka, pas përplasjeve të tij me ministrin e Shëndetësisë, Ilit Beqaj, në seancën e fundit plenare.
“Si bijëz besnike e byrosë së dikurshme, Byroja e Kuvendit përjashtoi sot kryetarin e grupit të PD-së, Edi Paloka, i cili nuk lejoi një tjetër abuzim të Ilir Beqës, kësaj radhe në Kuvend, kur kërkoi me arrogancë të vjedhë edhe foltoren e parlamentit”, citohet deklarata e Ristanit.
Pasi ka vjedhur miliona euro në shëndetësi, pasi trafikon vendet e punës sipas interesit personal dhe të partisë, Ilir Beqja, kampioni i korrupsionit të Edi Ramës, tentoi të vjedhë edhe fjalën në parlament, thotë sekretari i Përgjithshëm i PD-së.
Reagimi i Edi Palokës, sipas tij, është thjesht shprehja dhe pasqyrimi i revoltës së popullit për këtë simbol të hajdutërisë dhe abuzimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
