Rekrutimet nga diaspora për qeverinë e re “Rama 3” të cilët mund të punojnë edhe online, juristi Plarent Ndreca i ka quajtur “eksperimente” të ekipit fitues. Nga emisioni “Arnautistan” në MCN TV, Ndreca tha se reformat e përditshme nuk krijojnë stabilitet dhe shtoi se reformë e mirë është ajo që krijohet kulturë.
“Mazhoranca provon, është me ekip fitues dhe provon. Duke parë dobësitë e kundërshtarit Rama ka tentuar të ndryshojë siç është ky rast. Unë bëj pjesë tek ata njerëz që nuk i pëlqej reformat e përditshme. Në fushën time thuhet që ligji perfekt është ai që vetëzbatohet, që krijohet kulturë dhe jo ligji i ri. Duhet krijuar stabilitet dhe një kulturë më pas”, tha juristi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
