Kreu i PD Sali Berisha deklaroi gjatë një daljeje për media ku iu përgjigj pyetjeve të gazetarëve, se protesta do të jetë “sipari i një revolucioni që ka për objektiv madhor rrëzimin e kësaj kalbësire që qeveris në Shqipëri dhe emrin e ka Edi Rama”.
I pyetur “A mundet populli ta kapë Ramën e ta burgosë vetë?”, Berisha tha: “Jo populli nuk mund të bëjë drejtësi vetë, populli mund ta përmbysë Ramën dhe Edi Ramës t’i tregojë vendin drejtësia e reformuar”.
Ai tha se në zgjedhjet e 14 majit do të garohet me “siglën që përmbysëm etërit e Ramës”.
“Në këto zgjedhje do konkurrojmë me siglën që përmbysëm etërit e Edi Ramës, të cilën Edi Rama kërkon ta poshtërojnë duke ia hequr forcës më të madhe politike. Ky demon pushteti, kërkon tani që të na përjashtojë nga zgjedhjet në mënyrë që të fitojë me Ali Bashën zgjedhjet e 14 majit, por llogaritë i ka gabim, siç i dolën gabim llogaritë me Mc Gonigalin këtë herë shqiptarët do i tregojnë vendin e do mjerohet në këtë përpjekje të turpshme primitive, që do ia kishte lakmi edhe Enver Hoxha dhe Gedafi”, tha kryedemokrati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
