Berisha: Protesta e së shtunës do jetë ndryshe, diversifikohen aksionet

Kryedemokrati Sali Berisha thotë se protesta e paralajmëruar për të shtunën do të jetë ndryshe dhe se do të diversifikohen aksionet.

Në një komunikim për mediat ditën e sotme ai deklaroi se  e shtuna është dita e kryengritjes paqësore.

Qytetarët mezi e presin për të shprehur zemërimin, revoltën e tyre, urrejtjen e tyre ndaj hajdutëve. Dhe, do të jetë një revoltë, një kryengritje do të thosha më e fuqishmja që ka njohur vendi. Nuk do jetë e llojit të atyre që keni parë. 

 

Tani, kryengritja kalon në fazën e diversifikimit të aksioneve dhe veprimtarive të saj. Për të gjitha do informoheni në përputhje me vendimet që do merren. Por e shtuna është dita e triumfit të opozitës, e triumfit të shqiptarëve mbi hajdutët.