Kryeministri Edi Rama ndodhet sot në Samitin e NATO-s në Bruksel dhe nga aty ka treguar se Shqipëria është vlerësuar për kontributin e saj në rritjen e buxhetit të mbrojtjes.
Kreu i qeverisë është takuar edhe me Sekretarin e Përgjithshëm të Aleancës, Jens Stoltenberg.
Sipas Ramës, vendi jonë është vlerësuar shumë pozitivisht për kontributin në programin e Aleancës. "Shqipëria vlerësohet shumë pozitivisht për kontributin e saj në programin e Aleancës; rritjen e buxhetit të mbrojtjes; pjesëmarrjen me 13% të trupave të veta në frontet e përbashkëta; qasjen aktive kundër terrorizmit dhe ektremizmit të dhunshëm", shkruan Rama në rrjetin social "Facebook"
Kryeministri shprehet se duke vlerësuar lart marrëveshjen e arritur mes Athinës e Shkupit, Shqipëria mbështet nisjen e procedurave për anëtarësimin sa më parë në NATO të Republikës së Maqedonisë së Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
