Gazetari Xhevair Zhabina, thirrjen e Kryeministrit Edi Rama dhe deputetit socialist Taulant Balla, për çështjen “Partizani” nga GJKKO, e sheh si hapjen e rrugës që çdo politikan të jetë në dyert e drejtësisë.
Nga studio e “MCN Live” ai deklaroi se, lajmi në këtë rast është thirrja e Kryeministrit.
Është detyrim ligjor se gjykata ka thirrur si dëshmitar shtetasin Edi Rama, nuk mund të delegohet dhe të shkojë dikush tjetër në vend të tij. Zoti Balla i ka dhënë deponimet e tij në prokurori, por lajmi në këtë rast është thirrja e Kryeministrit.
Thirrja e zotit Rama ka më shumë kontekst politik dhe një lloj normaliteti që tashmë zyrtarët dhe ish-zyrtarët e këtij vendi përballen me drejtësinë drejtpërdrejtë. Se më parë kemi parë që politikanët në këtë vend e kanë pasur shumë frikë të shkojnë në dyert e prokurorisë.
Përtej asaj që mund të deklarojë zoti Rama në seancë gjyqësore, thelbi i kësaj historie është prania e çdo politikani në dyert e gjykatës dhe prokurorisë. Të gjithë ata që kanë shënjuar këtë 20-vjeçar të fundit, janë në dyert e këtyre organeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
