Kandidatja për kryetare të Partisë Demokratike, Edit Harxhi pasi ka votuar në Selinë Blu, në një deklaratë për mediat është shprehur se themelues të PD-së u është ndaluar e drejta e votës me pretendimin se nuk kanë qënë aktiv në fushatë.
Teksa iu drejtua Bashës, Harxhi u shpreh se kjo gjë nuk është normale dhe se ndryshimin do të sjellë votën e hapur për të gjithë shqiptarët.
Ndërkohë më tej e pyetur nga gazetarët nëse do të largohet nga PD-ja nëse do të humb zgjedhjet, Harxhi u shpreh se beteja e saj fillon sot.
“PD është një aset, është një pasuri kombëtare, sot është dita e demokratëve, uroj shumë që të ketë një pjesëmarrje masive, pasi ne sot votojmë reformimin e PD-së. Absolutisht që mendoj se në radhë të parë do të fitojnë demokratët, jam e sigurt që vota e tyre do të jetë për ndryshimin.
Unë dua të bëj një thirrje për zotin Basha, demokratët duhet të jenë në lista, janë penguar themelues të PD-së që të votojnë, me pretendimin se nuk kanë qenë aktiv në fushatë.
Kjo nuk është normale, ndryshimi ynë do të sjellë votën e hapur për të gjithë shqiptarët.
Beteja ime fillon sot, Absolutisht që unë do të vazhdoj aktive edhe pas 30 vitesh, ju thashë që beteja ime fillon sot.”, u shpreh Harxhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
