Në studion e emisionit “Të Paekspozuarit”, demokrati Aldo Bumçi shpjegoi çfarë ndodh me nismën e Berishës në bazë. Bumçi tha se kriza në PD zgjidhet vetëm me forcën e votës.
Bumçi: Kriza zgjidhet duke kthyer votën. Nëse një kryetar partie nuk mbledh Kuvendin, pranon që është pakicë. Ky është një kryetar që pranon se është pakicë.
Rakipi: Më shpjego procesin.
Bumçi: Po mblidhen firma. Besoj për një javë u mblodhën. Njohja e kuvendit nuk varet nga kryetari i partisë. Do të ketë ndryshime statutore. Do të ketë primare dhe votim të anëtarësisë për të zgjedhur kandidatët për kryetarë bashkie dhe deputetë. Vota e demokratit nga Shkodra, Vlora etj përcakton kush kandidon për kryetar bashkie apo deputet. Kuvendi ka kompetencë ta shkrijë partinë.
Çani: Mjafton të shohësh sondazhin e fundit. Nuk ka rëndësi sa i vërtetë është, por mund të na bëjë të bëjmë një parashikim.
Rakipi: Ore njerëzit i ka Sali Berisha.
Çani: 49.5% Berisha, 34.6% Basha. Pra kemi dy PD. Qëllimi i Berishës është tu tregojë amerikanëve që unë jam një pol i rëndësishëm.
Bumçi: Vota është ajo që i mban bashkë njerëzit në një parti. Ne kërkojmë të votohet. Kuvendi i PD do të vendosë të ndryshojë statutin. Nuk varet nga kryetari i partisë, por nga 50% +1 të anëtarëve të PD. Shpresoj që Basha të zbresë me këmbë në tokë dhe të kuptojë se sot ka humbur respektin e një pjese të PD. Pse nuk i mblodhi strukturat? Votimi është thelbi që na mban bashkë. Nëse ai e humb, nuk ka arsye të qëndrojë më në krye të partisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
