“Deti” në Hagë, Dendias e rendit si sukses të qeverisë

Ministri i Punëve të Jashtme në Greqi, Nikos Dendias në kuadër të një raporti përmbledhës të punës 2-vjeçare të qeverisë  Mitsotakis, rendit si sukses çuarjen e çështjes së detit në Gjykatën Ndërkombëtare të Drejtësisë në Hagë.

Materiali audioviziv fillon me mesazhet: “Ne po forcojmë pozicionin e Greqisë në skenën ndërkombëtare. Ne në mënyrë efektive po mbrojmë interesat tona kombëtare”.

Më pas shfaqet një fragment i kryeministrit grek Kyriakos Mitsotakis në parlament ku thotë: Greqia po rritet përsëri. Greqia u rrit bazuar në të Drejtën Ndërkombëtare dhe Ligjin e Detit.

Mediat greke shkruajnë se sukseset i referohen marrëveshjes referuese me Gjykatën Ndërkombëtare të Drejtësisë në Hagë me Shqipërinë, marrëveshjes së pjesshme të EEZ me Egjiptin dhe marrëveshjes së demarkacionit të EEZ me Italinë.