Partia Socialiste në Kongresin e saj elektoral të së shtunës, nuk do të shpallë zyrtarisht kandidatët e saj për bashkitë e vendit. Edhe pse Kongresi i 23 marsit ka në fokus zgjedhjet vendore të 30 qershorit, PS ka zgjedhur të mos bëj publike emrat e kandidatëve të saj për 61 bashkitë e vendit, me preteksin se edhe PD-ja është larg të qenit gati për zgjedhjet vendore të qershorit.
Megjithëse pjesa më e madhe e kandidatëve të PS për bashkitë e vendit tashmë dihen, merret vesh se ata janë të fokusuar në terren për të punuar zyrtarisht me organizimet e tyre partiake dhe elektorale.
Partia Socialiste pritet t’i bëjë publik emrat e 61 kandidatëve bashkiak pak para përfundimit të afatit për t’i dorëzuar në Komisionin Qendror të Zgjedhjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
