Komisionari për zgjerim Johanes Han u shpreh i bindur se Maqedonia e Veriut do të marr datën për fillimin e negociatave para verës. Nga forumi ekonomik në Vjenë Han tha se po punohet fuqishëm që të bindin shtetet skeptike për zgjerimin e Unionit. AI tha se Maqedonia e Veriut është e gatshme t’i bashkëngjitet Unionit meqë tashmë nuk ka asnjë çështje të hapur me fqinjët. Han u shpreh i bindur gjithashtu se deri në fund të vitit do të hapen kapitujt e parë të negociatave e që kanë të bëjnë me sundimit e ligjit.
Hapja e negociatave të pranimit me Maqedoninë e Veriut është në vetë interesin e Bashkimit Evropian dhe nëse nuk arrijmë të shpërblejmë marrëveshjen historike të Prespës dhe përpjekjen e madhe për reforma, do të dëmtojmë fuqinë atraktive qe BE ka mbi Ballkanit Perëndimor, tha komisioneri për zgjerimin Johannes Hahn në konferencën e bisedimeve ekonomike të Vienës – perspektiva e re për Maqedoninë e Veriut.
Ai gjithashtu vuri në dukje se vendi është gati të bëhet një anëtar i NATO-s dhe në prag të hapjes së negociatave të pranimit me Bashkimin Evropian.
“Nëse nuk arrijmë të shpërblejmë marrëveshjen historike të Prespës dhe përpjekjet e mëdha të reformave në Maqedoninë e Veriut do të dëmtojmë fuqinë e tërheqjes që BE ka mbi fqinjët e saj dhe Ballkanin Perëndimor në veçanti. Nxitja e anëtarësimit në BE do të humbasë levën e saj dhe kjo do të jetë një goditje e madhe për dialogun Beograd – Prishtinë dhe në përpjekjet e BE për të eksportuar stabilitetin në rajon. Në vend të kësaj, ne do të krijojmë një vakum të madh që lojtarët e tjerë janë shumë të prirur për të eksploruar, “theksoi komisioneri Hahn.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
