Kreu i Lëvizjes Bashkë Arlind Qori tha në emisionin “Zonë e Lirë” që kryeministri Rama e ka sulmuar, pasi ka kuptuar potencialin e subjektit të ri që ai drejton dhe potencialin e pensionistëve.
Sipas Qorit po ndodh një çarje, e cila po zgjerohet gjithnjë e më shumë.
“Rama zgjedh të shajë nga pamja një kundërshtar të vetin politik, të merret me syzet e mia. Mbase ai e kupton më mire potencialin e Lëvizjes Bashkë, potencialin që kanë sidomos pensionistët. Ai mendon që njerëzit votojnë akoma si në 91-92’! Po ndodh një çarje, që po zgjerohet, sepse pensionistët gjithnjë e më shumë po pyesin veten ç’na duhet kjo lloj qeverie, ky sistem partiak, që na gënjen e gënjen dhe në fund na jep vetëm një dhuratë për Vit të Ri. Pensioni minimal do ishte 200 mijë lekë të vjetra dhe mesatari 320 mijë lekë të vjetra. Kjo arrihet duke luftuar evazionin fiskal dhe korrupsionin. Kemi gjysmën e punonjësve në të zezë! Informaliteti në punë dhe informaliteti në paga është i lartë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
