Kryetari i komisionit të Sigurisë Kombëtare, Spartak Braho, i është drejtuar me një kërkesë Byrosë Parlamentare për të marrë masë disiplinore dhe për të përjashtuar me 10 ditë deputetin e PD-së, Flamur Noka, pas debateve të sotme në komision.
Kërkoj përjashtimin e tij nga punimet e Kuvendit dhe mbledhjet e komisionit me 10 ditë, pasi deputeti në fjalë vazhdimisht përdori fjalë të pahijshme dhe ofenduese duke provokuar rrëmujë dhe pengesë në zhvillimin e seancës, fyerje dhe kërcënime për anëtarët e komisionit dhe ministrin e Brendshëm, thuhet mes të tjerash në kërkesën e kryetarit Braho.
Deputeti demokrat Flamur Noka, në seancën e fundit plenare më 17 nëntor u përjashtua nga punimet e parlamentit, nga nënkryetarja e Kuvendit, Valentina Leskaj, pas incidenteve dhe përplasjeve në sallë me përfaqësues të maxhorancës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
