Qeveria do të paguajë faturën e dixhitalizimit e mediave në vend. Bëhet fjalë për një fond që kap shumën e 5 milionë eurove, e që është propozuar në ligjin e “Lirimit të frekuencave të dixhital-dividentit” në mars të 2017-s, nga ministria e Financave dhe ministria e Shtetit për Inovacionin dhe Administratën Publike.
Ndryshimet parashikojnë kompensimin e pjesshëm të kostove shtesë për investimet në teknologji që shoqëruan kalimin nga transmetimet analoge në ato numerike, ndërsa ato miratohen në një kohë, kur një pjesë e Tv private kërkojnë që të vjelin fonde nga taksapaguesit për tarifën e televizorit. Me fondin që vihet në dispozicion,sipas ligjit, ndarja parshikon që 1/5 t’u vihet në dispozicion operatorëve ekzistues lokalë/rajonalë, të cilët duhet të paguajnë një tarifë për të transmetuar në rrjetin numerik të RTSH-së apo në rrjetet e tjera të licensuara numerike.
2/5 e tij do të përdoren për të mbuluar pjesërisht investimet e operatorëve me eksperiencë në transmetime numerike, që dalin jashtë funksionit, si rezultat i ndryshimeve teknologjike dhe pjesa tjetër që përbën 2 të pestën, do të përdoret për të mbuluar pjesërisht investimet e operatorëve privatë historikë kombëtarë për ndryshimin e infrastrukturës së transmetimit nga analoge në numerike. Administrimi i fondeve për këtë kompensim do të bëhet nga AMA, ndërsa ndërsa përfitues do të jenë 70 operatorë lokalë dhe rajonalë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
