Qeveria ka vendosur të shpërndajë një bonus për pensionistët. Vendimi për bonusin e verës është marrë në mbledhjen e sotme të qeverisë. Në fund të saj, ministrja e Ekonomisë, Delina Ibrahimaj, tha se shpërndarja e bonusit me vlerë 5 mijë lekë nis nga dita e nesërme.
”Vendosëm të akordojmë një bonus për pensionistët, do të jetë bonusi i verës me vlerë 5000 lekë. Janë mbi 777 mijë pensionistë që do të përfitojnë nga ky bonus, persona me statusin e invaliditetit. Efekti financiar i këtij bonusi është rreth 3.7 miliardë lekë. Do të vazhdojmë të kemi vëmendje të shtuar për të ardhurat e pensionistëve. Ky bonus jepet për herë të parë në mes të vitit. Ai do të nisë të shpërndahet nga dita e nesërme. Bonusi i shtohet bonusit që pensionistët janë duke marrë që nga janari’‘, tha ministrja Ibrahimaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
