Qëndrimi i dy përfaqësuesve të opozitës jashtëparlamentare në mbledhjen e Këshillit Politik ka zgjatur pak minuta, pasi Oerd Bylykbashi dhe Petrit Vasili janë larguar nga tryeza në shenjë proteste.
Mësohet se shkak janë bërë amendimet e propozuara nga PS, ku përfaqësuesit e opozitës kanë refuzuar të diskutojnë për to.
Pjesëmarrjen në këtë mbledhje e patën konfirmuar edhe dy përfaqësuesit e opozitës, Oerd Bylykbashi dhe Petrit Vasili, të cilët në një dalje për mediat ditën e sotme thanë se nuk e pranojnë draftin e PS dhe kërkojnë ekpertizën e OSBE/ODIHR për arritjen e një konsensusi.
Më herë mazhoranca refuzoi ftesën e Partisë Demokratike që Këshilli të mblidhet me urgjencë të mërkurën, por palët ranë dakord që të mblidhen sot për të vijuar diskutimet për listat e hapura dhe koalicionet.
Opozita kërkon lista të hapura 100 %, ndërsa për mazhorancën kjo do të bëhet vetëm nëse garantohet kuota gjinore.
Në lidhje me koalicionet, opozita jashtëparlamentare kërkon që të pyetet OSBE-ODIHR. Mazhoranca i ka lënë afat opozitës 30 shtatorin për të sjellë të gjitha propozimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
