Ambasadat e Shqipërisë dhe Kosovës në Gjermani, kanë nënshkruar sot një marrëveshje bashkëpunimi me qëllim forcimin e marrëdhënieve vëllazërore mes Republikës së Shqipërisë dhe Kosovës, në fushën e politikës së jashtme.
Lajmin e bëri të ditur ministri në detyrë për Europën dhe Punët e Jashtme, Gent Cakaj, i cili theksoi se kjo marrëveshje parashikon së paku një aktivitet të përbashkët në çdo muaj, në të mirë të shqiptarëve e në shërbim të forcimit të mëtejshëm të marrëdhënieve me Gjermaninë.
Kjo sipas Cakajt, është bërë më synimin për të bashkërenduar punën mes Ambasadave e Konsullatave të përbashkëta.
Gjithashtu, kryediplomati Cakaj u shpreh se në Mynih tashmë Shqipëria e Kosova ndajnë një godinë të përbashkët.
“Krenar me punën e jashtëzakonshme të diplomatëve të Kosovës e Shqipërisë në Gjermani”, tha Cakaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
