Prezenca e trupave ushtarake ruse në kufirin me Ukrainën, është dënuar nga Ambasada e Shteteve të Bashkuara në Tiranë.
Vetë ambasada, me anë të një postimi në rrjete sociale citon një deklaratë e Sekretarit Amerikan të Shtetit, Anthony Blinken, i cili shprehet se Moska me retorikën e saj të ashpër, po nxit narrativen e rreme se Ukraina kërkon të provokojë konflikt me Moskën zyrtare.
Postimi i Ambasadës amerikane në Tiranë:
“Ne dënojmë prezencën ushtarake në rritje të Rusisë në kufijtë e Ukrainës, si dhe retorikën gjithnjë e më të ashpër të Moskës, pasi ajo vazhdon të nxisë narrativen e rreme se Ukraina kërkon të provokojë konflikt me Rusinë”. Sekretari i Shtetit Anthony Blinken”, thuhet në postimin e Ambasadës së SHBA në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
