Deputeti i Partisë së Lirisë, Petrit Vasili, e sheh si të domosdoshëm rolin e partisë së tij në koalicionin opozitar për të fituar zgjedhjet e ardhshme vendore.
Në studion e lajmeve të MCN TV, Vasili tha se të gjitha fitoret që PD-ja ka arritur që nga viti 2005 janë falë bashkëpunimit të saj me LSI-në e dikurshme, sot Partia e Lirisë.
Njëherë të vetme që PD pati fitore në zgjedhjet lokale, kemi konkurruar së bashku. Sfidat shumë të vështira të 2009-s, në kohën e recesionit evropian, kur kemi arritur së bashku liberalizimin e vizave. Njerëzve dua t’u kujtoj edhe 2005-n, kur u kthye PD në pushtet. Pa konkurrimin e LSI-së, fitorja e PD do të ishte e pamundur. Edhe në 6 mars, falë qëndrimit parimor të LSI, ngërçi i madh që PD kishte brenda saj u tejkalua. LSI kështu ka funksionuar gjithmonë: kurrë nuk ka dhënë fjalë që të mos e mbajë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
