Gazetari Armand Shkullaku, në emisionin e sotëm në “Të paekspozuarit” të Ylli Rakipit në MCN TV, tha se në këtë situatë të cilën ndodhet PD, si Lulzim Basha, ashtu edhe Sali Berisha, po përdorin Edi Ramën për të nxirë kundërshtarin.
Sipas Shkullakut, kjo është një luftë e ndyrë dhe nuk u shkon asnjërës palë.
“Kjo lojë po e humbet seriozitetin si nga Basha, si nga Berisha. Berisha thotë që Basha është peng i Edi Ramës, që e përdor ai, dhe Basha në vendë se të distancohet, ta vërë në lojë, ai i përgjigjet më të njëjtën monedhë, ai tani përgjgjet që ky po bën puç me Edi Ramën. Basha po mundohet të luftojë Berishën me të njëjtën filozofi si Berisha.
Në këtë luftë politike po përdoret Edi Rama, për të nxirë kundërshtarin, është idiotësi, budallallëk, të dya palët po përdorin Ramën për pushtet, dhe kjo nuk u shkon, është luftë e pandershme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
