Seanca parlamentare për miratimin e programit qeveritar u mbyll në më pak se 25 minuta, pa asnjë diskutim apo debat, duke habitur jo vetëm opinionin publik, por edhe vetë opozitën, e cila e kishte paralajmëruar si një seancë “të nxehtë” dhe maratonë.
Gazetari Mariglen Kume, në një analizë për “MCN Live”, deklaroi se opozita ra në një grackë të mazhorancës, duke u treguar e papërgatitur dhe e paaftë për të përballuar politikisht situatën.
Ishte një seancë solemne, ku ishin të pranishëm një numër i madh ambasadorësh, por mazhoranca e mbylli në mënyrë të shpejte, pothuajse me arrogancë institucionale.
Në fund, i vetmi që përfitoi ishte Edi Rama që doli sërish si ‘viktimë’ përballë një opozite që bën vetëm zhurmë dhe skena.
Opozita kishte dijeni për qëndrimin e mazhorancës, pasi Taulant Balla kishte paralajmëruar në Konferencën e Kryetarëve se çdo tentativë për zhurmë apo kaos do të sillte ndërprerjen e seancës.
Kume ishte kritik ndaj sjelljes së opozitës, të cilën e quajti “e dembelosur dhe e papjekur”, duke theksuar se edhe përfaqësues të lartë të saj, që njihen si juristë të mirë, nuk treguan përgjegjshmëri ndaj Kushtetutës.
Pavarësisht kësaj, opozita nuk erdhi e përgatitur me diskutime, me denoncime, me fjalime të mirëstrukturuara, u tregua një ‘opozitë e dembelosur’.
Programi qeveritar ishte vetëm 50 faqe. Mund të lexohej, të analizohej dhe të kritikohej me argumente, por ajo që pamë ishte një opozitë që bëri zhurmë dhe më pas u përul duke kërkuar një seancë tjetër.
Ishte e panevojshme që një figurë si kreu i grupit parlamentar të PD-së, i njohur si jurist i mirë, të përfshihej në veprime që e flakërojnë Kushtetutën.
Kjo nuk është opozitë që sfidon me ide, por një opozitë që vetëm reagon emocionalisht dhe pa strategji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
