Andoni: Raporti i PE iu shkon në thelb problemeve, duhet të jemi në alert për sigurinë

Analisti Ben Andoni, raportin e Parlamentit Europian për Shqipërinë, e sheh si shkuarje në thelb të problemeve.

Duke folur për edicionin e lajmeve në MCN TV, ai deklaroi se evidentimi që i kanë bërë problemeve të drejtësisë, si stoqet e dosjeve dhe krimi i organizuar, e bëjnë situatën të frikshme.

Sipas tij, nëse draft raporti flet në mënyrë të përgjithshme, kur preket pjesa e sigurisë duhet të na bëjë që të jemi në alert dhe sidomos mazhoranca qeverisëse.

Draft-raporti i Parlamentit Europian i ka shkuar problematikave tona në thelb. Kanë folur që nga drejtësia, infrastruktura, investimet në arsim, infrastrukturë, procesi zgjedhor. Në raport thuhet se e gjithë infrastruktura zgjedhore ishte e mirë, por se problemi mbetet te zbatimi. Është një raport që të bën që të dhembi koka. 

 

Ka qenë një kritikë shumë e madhe për pjesën e qeverisjes së zotit Rama dhe mbi të gjitha një alarm për klasën politike shqiptare, sidomos mazhorancën. Evidentimi që i kanë bërë drejtësisë, stoqet e dosjeve, është e frikshme dhe sidomos krimi i organizuar. 

 

Nëse draft raporti flet në mënyrë të përgjithshme, por kur preket pjesa e sigurisë duhet të na bëjë që të jemi në alert, sidomos mazhoranca qeverisëse që po humbet pikë ditë pas dite.